那夜凌晨,我看完周星星爺爺的電影,便創作了5個魔術爛gag

Updated: Jul 8, 2019

喺變三杯球前,我會咁講:

「今朝,我隨隨便便、小心翼翼咁喺廚房度攞咗幾個水杯同各位變呢個魔術。冇錯,我本身並唔係本地人,我鄉下喺埃及,埃及人都係用呢種杯嚟飲水嘅,係完全合邏輯嘅。」


表演中段,我會 load 啲刀刀叉叉入衫袖,然後展示雙手係冇嘢,再畀啲刀叉喺衫袖度跌出嚟,再咁講:

「哦,我本身嘟係一個餐飲服務員,啲刀叉係用嚟畀顧客鋸扒用嘅,嘟係好合理嘅。」


當我遇上小朋友同我講,話我做咗 D.Lift 嘅尷尬時刻,我會咁為自己解圍:

「細路,我睇你骨格精奇,實在係百年難得一遇嘅魔術奇才。呢副 Svengali 係無價之寶,你我有緣,就收你一百蚊傳授畀你啦!」


向一班小朋友表演,我會變隻兔仔公仔出嚟,再對佢講出以下獨白:

「兔兔,你愛唔愛睇魔術呀?你愛呀?你愛就要講啦!做咩唔出聲啫?你望住我做乜啫?雖然你咁有誠意咁望住我,我係好高興,你都要講架。我變㗎啦!你愛呀?你愛就要講清楚㗎嘛。你愛我自然會變畀你睇,你唔愛我梗係唔會變畀你睇啦,冇理由你愛我唔變畀你睇,你唔愛我就偏偏要變畀你睇,大家講道理呀嘛。依家我數三聲,你講清楚你愛唔愛啦噃!」


當我畀咗個驚喜觀眾,得到佢哋熱烈掌聲時,我會沾沾自喜、洋洋得意,拎轉半邊頭話:

「哼!唔通我識如來神掌又要話你知咩?」


出場搞氣氛,搞笑而不失霸氣,仲可以靠形體動作,我會學佢咁走出嚟:


blablablog.net

since 2018 by Calvin Sze